3.–12. lehekuuni peetäs Uma Meki keväjägurmee nädälit. Noidõ kümne päävä joosul pakva kümme Lõuna-Eesti söögikotust kolmõkäügilist õdagusüüki, kon egä käügi ainõ om peri vähembält poolõn jaon mi kandist. Sääne õdagusüük mass 32 eurot.
Üten löövä Lihuniku äri, Suur Muna, Haanjamehe talo, Ilmaveere, Piusa külästüskeskusõ Mahlaveski kohvik, Ööbikuoru villa, Mõisaait, Mooste viinavabrik, Pesa hotelli restoran ja Ugandi Resto. Päält noidõ om viil üts ettevõtminõ, kon tegevä kuuntüüd Vahtsõ-Saalusõ veinitalo ja Ulgumaa puhvõt.
A 9. lehekuu pääväl kellä 16–20 peetäs Võro keskplatsi pääl üten Uma Meki keväjälaaduga Euruupa päivä. Pääväga tähüstedäs mi Euruupa Liitu ja NATOhtõ kuulumisõ 20. aastapäivä. Päält kauplõmisõ saa laadu pääl kullõlda Euruupa Parlamendi valimiisi debatti ja kontsõrdi and Daniel Levi trio.
UL