6. lehekuul peeti Villändin timahavanõ üleriigiline nuuri perimüsmuusikidõ võikimängmine, minkast võtt’ ossa 49 7–19aastast poiskõist ja tütrikku üle Eesti. Pääavvohinna sai Mooste rahvamuusigakooli lõõdsaopilanõ Zolgo Uku.
Pääavvohinnas oll’ seokõrd 500 euro suurunõ stipendiüm ja võitja saa võimalusõ üles astu ka suvitsõl Villändi perimüsmuusiga festivaali vallategemisel.
Üts preemiä tull’ timahavatsõlt võikimängmiselt Vanalõ Võromaalõ viil. Tuu oll’ eripreemiä, miä anti Võro muusigakooli opilasõlõ Misniku Viktorialõ.
Eesti perimüsmuusiga keskus om kõrraldanu perimüsmuusikat opvilõ latsilõ ja nuurilõ võikimängmiisi 2009. aastagast. Ka seokõrd võistõldi eräle pillirühmin ja opmisõ ao perrä jagonõdi ummakõrda mängorühmihe. Eräle rühm oll’ ka perimüsligu umaloomingu mängjile.
UL
Zolgo Uku.
Rahmani Jani pilt