Parmuvaksiin ja inemõigusõ
Ma kuuli raadiost, et om vällä hõigat vahtsõnõ punt tegeläisi, kelle inemõiguisi piät kaitsma. Nuu omma siiämaani iks viil ilma koroonavaksiinildä inemise. Ku näile midägi kõvõmba helüga ütlet, sõs olõt halv ja rikut näide õiguisi. A ku ma olõ uma pritsi kätte saanu ja taha harilikku ello tagasi, sõs mul võissi kah määndsegi õigusõ olla. Putukatiidläne ütel’, et eski kiholaisi ja parmõ vasta om vaksiin olõmah.
Ku lasõt keväjä vai suvõ algusõh näil hindäle mõnõ sutsu är tetä, sõs edesi ei olõ näide purõminõ suvõl inämb nii vallus. Nii võissi kõik inemise võtta tuud koroonavaksiini kah ku parmu purõmist, mis om kül vastamiilt, a kohegi päsemist ütskõik olõ-i. Parmu ja kiholasõ ei piä midägi ei inemiisist ega näide õiguisist.