Piimäkuu keskpaigan luudi Antsla kandin ja viil mõnõn Võromaa paigan majasainu pääle vahtsit pilte. Oll’ uulidsakunsti festival, kon pilte tei kümne kunstnigu Eestist ja vällämaalt. Paigapäälitside nuuri jaos kõrraldõdi uulidsakunsti liinalaagri, kon tetti tutvas uulidsakunsti tehnikide ja värvega.

Antslan inneskidse Parkeri poodi ruumõn säeti üles näütüs uulidsakunstist Eestin. Tuud näütüst saa sääl kaia nika ku 9. hainakuuni.

Festivali käügin tetti Kraavi külän ka kogokundlik sainamaali opitarõ. Tuu om üts osa Nobeli Akzo üleilmaprojektist, minka proovitas maailma eri paigun üten paigapäälitse kogokunnaga tuvva inemiisi ello värme ja rõõmu.

UL


Kiriväs maalitu kuuri tagasain Kraavi külän.

Üts lugu tagasi
Järgmäne lugu
Jaga seod artiklit