Võro instituut om kuulutanu vällä vahtsõ, järekõrran 36. latsi ja nuuri võrokeelitside kirätöie võistlusõ «Mino Võromaa».
Tähtaig om 5. urbõkuu päiv (5.03.2023) ja tüü tulõ saata e-posti aadrõssi kaile.kabun@wi.ee pääle.
Võistlusõlõ oodõtas kõiksugutsit kirätöid: juttõ, luulõtuisi, nal’ajuttõ, näütemängõ, katõkõnnit, märgotuisi, laulõ jne. Timahava saava latsõ ja noorõ valli kuvvõ teemä hulgast, a kimmäle või kirota ka vabal teemal.
36. võistlusõ teema omma:
1. Mink üle ma naara
2. Olli ku Kuu päält alla sadanu
3. Sõast ja rahust
4. Minkast mõtlõs kärbläne saina pääl
5. Meil om neli aastaaigo
6. Mullõ miildüs (mink?) … maik
UL