14. hainakuu pääväl andsõ Raju Eliisabet Tarton kirändusmuusõumi kaminasaalin uma iistkõnõlõja volitusõ ja ammõdiraha edesi Iva Tuulõlõ.
Tuulõ lätt sügüse Tarton kuvvõndalõ klassi ja võtt plaani saista latsi võro keele iist. Tedä saa nätä Võro latsifestivali vallategemisel võro keelen kõnõlõman ja tä om võtnu plaani võrokeelitside latsi iist saismisõ ka Seto kuningriigi pääväl. Päält tuu käü Tuulõ üten sõsaraga Karilatsi muusõumi võro keele latsilaagrin, kon nä kõrraldasõ tõisilõ võrokeelitsit mänge.
Pildi pääl omma Eliisabet ja Tuulõ päält ammõdi üleandmist.
UL
Kats nuurt võro keele iistkõnõlõjat. Jüvä Sulõvi pilt