Internetin liigus pilte, kon omma võrokeelitside kirjuga hammõ. Noid pakutas nime all «Üükaku pusad». Säändse kaubanime vällä märknü Allika Maare kõnõlõs: «Võro keelega olõ ma köüdetü nii, et mu vanaimä om võrokõnõ ja olõ kõik uma latsõpõlvõ suvõ maal vanaimä man talon olnu. Nuu ehtsä taloelo ao omma olnu kõgõ parõmba suvõ mu elon. No, ku olõ katõ väiku latsõ imä, tundsõ, et taha taad perändüst viil inämb uma perre jaos hoita ja seod kiilt inämb inemiisini tuvva. Tulli mõttõ pääle panda sõna hammidõ pääle, et nuu olnu rohkõmb inemiisi nõna all ja seo kiil jõudnu inämb rahva sekkä.»

Huvilidsõ löüdva Üükaku kraami üles internetist otsisõna «Üükaku pusad» perrä vai internetipoodist umapuut.ee.

UL

Üts lugu tagasi
Järgmäne lugu
Jaga seod artiklit