Kuvvõs võrokõisi suur rahva- ja laulupido Uma Pido plaanitas pitä 2023. aastaga 3. juunil Põlvan Indsikurmu laululava pääl. Pito nakkas lavastama Põlvast peri Leesalu Diana, kiä tüütäs Tal’na liinatiatrin. Pido kunstnikus om lavastaja valinu Unduski Marioni.
Rahmani Jan
Unduski Marion ja Leesalu Diana omma tulnu üle kaema Indsikurmu laululavva, et saanu naada täpsempi plaanõ märgotama. Rahmani Jani pilt