Kaika suvõülikooli neläs matkapäiv oll’ 30. hainakuul Rõugõn.
Päiv nakas’ pääle ettekandidõga Rõugõ kunstikuurin. Allasõ Tiia Võro instituudist võtt’ jutus maastigumärgi võro kirämiihi, säälhulgan Jaigi Juhani loomingun. Rõugõ aoluust ja umist mälehtüisist köüdüssen sünnüpaigaga kõnõli Tootseni Toivo ja seoaastadsõ suvõülikooli rektri Kauksi Ülle.
Pääle lõunat käüti ihojalaga läbi Rõugõ kõgõ märgilidsembä kotussõ, alostõn Kaarnakivi kujost ja lõpõtõn vesioinaga. Punkti sai päiv jäl kunstikuurin, kon astsõ püüne pääle Kauksi Ülle perreansambli Baaba ja Ka.
Kabuna Kaile
Kõnõlõmis- ja kullõmissaisahus Ööbiguoron: teedüstahvli all sais suvõülikooli timahavanõ rektri Kauksi Ülle. Kabuna Kaile pilt