Sännä kultuurimõisan peetäs 11.–13. piimäkuul soomõ-ugri filmifestivalli FUFF. Säänest filmipito peetäs joba katsandat kõrda.
Timahavadsõ festivali pääteemä om kirivüs. Kolmõ päävä joosul kaias filme, omma kontsõrdi, seminäri vormin mõttõvahetusõ ja õdagudsõ savvusannaseminäri. Tego om festivaliga, kon õnnõ ei kaia soomõ-ugri teemaga filme, a eletäs periselt ugrilist ello ja tundas uma naha pääl luudusrahvas olõmist.
Nii Sännän paiga pääl ku veebikinon saa kaia filme «Viimane liivlane» (režissöör Piela Mikko), lühkeisi dokumentaalfilme kogomikku kirivüsest «Rääkimata lood», dokumentaalfilmi Eesti ungarlaisist ja valikut saami, ungari, eesti, soomõ ja väikurahvidõ programmi lühkeisist filmest.
Ligembät teedüst saa festivali kodolehe fuff.ee päält.
UL