Võro instituut üten Võromaa arõnduskeskusõ ja Põlvamaa umavalitsuisi liiduga kuulutas kuvvõndat kõrda välla Hindätiidmise avvohinna konkursi.

Egäüts saa ette säädi Vana-Võromaa latsiaia, kooli vai kultuuriasotusõ, -ütisüse vai (ütsik)inemise, kiä huul mi paigapäälitsist väärtüisist kõgõ inämb.
Avvohinna saajas võiva nii inemise ku asotusõ ja seldsi ka esihinnäst vällä pakku.

Avvohindo välläandmisõ man kaias:

• kuis hindätiidmist ja hindästpidämist vällä näüdätäs;
• kuis hindätiidmine ja hindästpidämine vällänpuul koto silmä nakkas;
• kuis hindätiidmist ja hindästpidämist noorilõ edesi andas.

Avvohinna alospaprõ ja ülessäädmise vormi lövväti Võro instituudi kodolehe päält. Ettepanõki pallõmi saata Võro instituuti aadrõssil Tarto 48, 65609 Võro vai e-postiga wi@wi.ee pääle radokuu 23. pääväs (23.02.2022). Avvohinna saajit kitetäs imäkeelepäävä, 14. urbõkuuga (14.03.2022) pääle nakkaval nädälil.

Hindätiidmise avvohinna omma siiämaalõ saanu:

• 2012. aastagal: Orava kuul, Sõmmõrpalo latsiaia keelepesärühm ja haanimiihhi nõvvokoda;
• 2013. aastagal: Haani kuul, Põlva latsiaia Mesimumm Meelespea rühm ja Krabi külätiatri;
• 2016. aastagal: Mammastõ latsiaia ja kooli keelepesärühm, Mammastõ latsiaia ja kooli kavvanõ võro keele ja kultuuri oppaja Lepassoni Marju, Orava kuul ja Võrumaa Spordiliit;
• 2018. aastagal: Rõugõ latsiaia keelepesärühmä ja Põlva latsiaia Pihlapuu keelepesärühm; Mõnistõ kuul ja Puiga põhikuul; Mõtsavelle talo ja nall’apunt Laheda Muti.
• 2020. aastagal: Harglõ latsiaid-põhikuul, Kuldri latsiaid Sipsik, Tal’na Võro Selts, MTÜ Folgiselle Selts ja Puiga võrokiilse näütemängupäävä kõrraldaja Ruuli Helve.

Võro Instituut

Üts lugu tagasi
Järgmäne lugu
Jaga seod artiklit