Pühäpäiv om kepipäiv
Ma kuuli raadiost, et jaanuari viimäne pühäpäiv om ilma internetildä päiv. No tahas nätä, kas pühäpäävä hummoku iks päiv kah nõsõs vai om kõik ilm hukah. Ku kiäki tahtki terve päävä perüs ilma puutri ja netildä toimõ tulla, sõs väläh om ilm tuu jaos õkva paras.
A tuuga om viil sääne hädä, et inemise omma viimätsel aol saanu rahha kokko hoita ja ostiva hindäle õnnõ suusa. Parhilla inämp inemise keppega ei suusata, kässi om vaia jo telefoni riibmisõs. Suusarada om iih ja jalgu ette piä-i kaemagi. Ku seo pühäpäävä mõtsah telefoni riibu ei saa, sõs või iks kepi kah üteh võtta. Kasvai lepävõsast lõigada.