Pikkä ikä!
Ma kuuli raadiost, et Inglüsmaa kuningannal Elisabethil om saast eloaastast õnnõ mõnõ puudu. Võimul om tä olnu jo 70 aastat. Kiäki ilmah olõ-i nii kavva riigi iihotsah olnu. Ku iks taivaesä om pall’o aastit andnu, sõs olõ-i vaiht, kas olõt võimu man vai ei. Täämbä katsakümne katsandal aastal tetti uma kotussõ päält vallalõ partei pääsekretär Vaino Karl. Võim oll’ lännü, a tuugiperäst elli tä kavva. Vaino kuuli ütsäkümne katsa aastadsõlt, mõni nätäl inne Ukraina sõa algust.
Eesti viimädse ao pääministri omma vaivalt päält neläkümne. Vähämbält tõist sama pall’o aastit piässi viil iih uutma. Nii saava mi latsõlatsõlatsõki viil nätä, kas Kaja all ja Jüri pääl vai vastapite. Pikkä ikä meile kõikilõ!