11. süküskuul tetti vallalõ nimelidse mälehtüspingi katõlõ inneskidsele Mõnistõ muusõumi juhilõ. Pingi saiva muusõumi asotaja ja edimäne juhataja Lepä Alfred, kiä juhat’ muusõummi aastil 1948–1963, ja Kengi Pauline, kiä oll’ juhataja aastil 1969–1988.

Lepä Alfred naas’ 1948. aastagal rahvamaja mano muusõummi luuma ja kor’as’ kokko nii hulga põnõvit asjo, et 1957. aastagal sai tuust esitegevüsligust muusõumist riiklik muusõum. Kokko kor’as’ Lepä Alfred 15 aastaga joosul muusõummi alalõhoitmisõs ja huviliidsilõ kaemisõs 2850 eksponaati.

Kengi Pauliine kor’as’ muusõummi viil 2000 asja mano ja säädse kõrra majja ka paprõmajandusõn. Nii sai asjo kogost sääne muusõum, nigu riiglide perrä olõma piät.

UL


Mälehtüspingi teivä pidolidsõlt vallalõ puukujomeistri Rattasepä Andres ja aastil 1988–2021 muusõummi juhtnu Tulviste Hele. Rüütli Airi pilt

Üts lugu tagasi
Järgmäne lugu
Jaga seod artiklit