6. radokuu pääväl kell 19 oodõtas huviliidsi Võrolõ Stedingu kohvikulõ, kon jakkus vahtsõnõ luulõüritüisi sari «Stedingu stroofid». Sääne õdak sünnüs joba tõist kõrda ja sääl saa kiränigõ ni näide luuduga tutvas kõgõ õkvambat tiid pite.
Seokõrd lugõva ummi luulõtuisi Kolga Jüri ja Põldveri Piret, hindä kirotõduid laulõ esitäs Rahmani Hebo.
Õdakut uhjas Kuslapuu Kaisa ja kokkokäümist tugõ Eesti Kultuurkapital. Sisse saa massulda. Tulõva «Stedingu stroofid» omma plaanidu urbõkuu, mahlakuu ja lehekuu edimädsele neläpääväle.
UL