Timahavanõ «Teeme ära!» talgopäiv peetäs puulpäävä, 7. lehekuul. Kõrraldaja omma vällä paknu, et seokõrd võetas inämb ette asju, miä avitasõ viikokõ ohotumbas tetä, oppasõ luuduskaitsõt ja avitasõ vahtsidõ naabridõga tutvas saia. A egä talgokõrraldaja tege iks õkva tuud, midä timä kodokandin kõgõ inämb tetä vaia om.
Vahtsõliina kihlkunna Loosi kandi rahval oll’ uma talgopäiv joba 1. lehekuul. Kümmekund inemist tei kõrda seldsi ruumõ ja mõsi aknit, riibuti ka mõisaparki ja panti puid kuuri.
Rahmani Jan
Toimõndaminõ Loosi mõisapargin. Rahmani Jani pilt