Miä sa tiit, ku vabariigi valitsus saat sullõ telefoni pääle sõnomi: massulda rong Tsiberihe lätt vällä 1.09.21 kell 9 hummogu Balti jaamast, üten saat massulda iPhone’i? Kas läät, ku andas massulda reis ja massulda nänni?
A massulda lõunasüüke olõ-i jo olõman. Kuigimuudu tulõ iks egä as’a iist massa ja parhilla om meil viil valikuvõimalus ja vastutusvõimalus uma elo iist olõman.
Kas usut, et Covid-19 vaksiin and sullõ vabahusõ? Iisrael, üts kõgõ inämb vaksineerit ütiskund, om täämbädses saanu maailman üte korõmba nakatumisõ tasõmõ. Vaksiniirmise üts seletüs oll’, et viirus käändäs sälä pääle. Ummõtõ näütäs tuu, miä Iisraelin sünnüs, selgele, et vaksiniirmine tõvõ saamist ei piira.
Määndsel aol sai normaalsõs tuu, et hää tervüse alossõs ei olõ tukõv immuunsüstem, a laborin vällätüütet kihvt, minkal olõ-i viil esiki tävvelist müügilupa? Ohouuringu piäs lõppõma viil katõ aastaga peräst. Tuuga piäs egä inemine hindä käest naid asjo küsümä. Mille? Mille meid nii kõvva sunnitas, miä om kõgõ seo takan? Ja mis sis, ku kõik pandeemiä om suur pettüs, miä om lihtsäle kinkalõgi kasulik?
Inemise arvosaaminõ peris elost või teno hirmulõ ja ajomõsulõ tõõsõs minnä, a usu, et sa jää ei ütsindä, ku julgut välästpuult tulõvalõ tsurmmisõlõ kaemalda umalõ sisemädsele tundõlõ kimmäs jäiä. Tuud näüdäs’ ka 23. põimukuul olnu Balti kett, kon kolmõ Balti riigi inemise olli solidaarsõlt ütisüse, vabahusõ ja inemõiguisi puult. Ütsikund, kon inemiisi pandas eräle lahtridõlõ, ei saa luvva turvalist elokeskkunda. Egäl inemisel piät jäämä õigus uma kihä putmalda jätmisele.
Täämbädses om tekkünü mitmit kogokundõ, miä esi uma elo ja tegemiisi üle otsustasõ ja näid teküs kõrrast mano. Elämi esierälidsel ja hereväl aol, a suurõ muutusõ saavaki õnnõ läbi kriise sündüdä.
Soovita egäl inemisel esi inne pritsi saamist tiidüsliidsi alglättit uuri.
Lumiste Kati
Kiränik Lumiste Kati and värskit mõttit, kuimuudu egäpääväello vaeldust löüdä ja märgotas tuust, miä parasjago süäme pääl.