Hurda Jakobi nimeline Põlva rahvaharidusõ selts om vällä andnu kodoluukogomigu, kon omma är trükitü Hurda-preemiä saajidõ väiku eloluu ja lövvüs ka juttõ Põlva maakunnaga köüdetüist kultuuritegemiisist.

Raamadu edimädsen jaon loetas üles nuu inemise, kiä omma saanu Jakob Hurda rahvuskultuuri avvohinna aastil 1992–2021. Egä aasta om vällä antu kats avvohinda ja kõigi noide väärt kultuuritegeläisi tähtsämbä tegemise omma raamatun vällä tuudu.

Kogomigu tõõsõn jaon omma artikli, miä kõnõlõsõ Hurda seltsist, Indsikurmu laululavast, Põlvast ku lõõdsapääliinast, Kõivu Madissõ paigavaimu täüs loomingust, Põlva keskraamadukogost, Põlvamaa hoiu-lainuütisüsest, eestläisi Jaani kogodusõst ja kerikust Peterburin ja Hurda Jakobi sugulaisist ni perrätulõjist. Raamadu lõpun omma üles loetu aoluulasõ Hirvlaane Milvi peetü ettekandõ Hurda seldsi üritüisil ja kõgõ lõpun om väiku pildikogo seldsi tegemiisist.

UL

Üts lugu tagasi
Järgmäne lugu
Jaga seod artiklit