Sügüse alostusõ pääväl peeti Võromaal Pähnil päält 300 osavõtjaga tsihiotsmisvõistlust «Seiklushundi sügisene rogain». Rogain om valikorienteerumisõ võistlus, kon võistkunnal tulõ etteantu kontrollaoga läbi kävvü võimaligult pall’o kontrollpunktõ. Võistkund piät püsümä kõik aig kuun ja liigutas jalaga vai rattaklassin jalgrattaga.

Pähnil peetül võistlusõl oll’ raameistre Tatsi Taavi eräle vällä toonu perändkultuurilidsõ väärtüsega paiga. Võistlõjidõ tii pääle jäivä kats mõtsavelepunkrit, kats ristipuud, kats umaaigsõt mõtsavahikotust. Nätä võisõ ka vanna tiid, midä müüdä Vana-Roosa mõisa or’a Lüütsepä külän teopäivi tegemän kävevä. Võistlõja võisõva kaia ka «koolnust üles nõsõnu» jutlustaja Taiva Jaani aita, miä om 250 aastakka vana, ja mõisaaigsõt ristiga piirikivvi. Tii pääle jäivä viil vana hüdsepalotusmulgu ja vahtsõ ao kunstiteos «Ruup» (suurõ kõlakua mõtsan).

UL

Üts lugu tagasi
Järgmäne lugu
Jaga seod artiklit