Puulpäävä, 5. põimukuul peetäs Harglõ kihlkunnan Taheva vallan Kaldavere turismitalon Taheva valla küläde päivä.

Om kultuuriprogrammi ja laatu, tetäs võistlusmängõ ja saa opitarrin üten lüvvä.

Päävä päämine teema om puu: puust ragova kujotegijä vällä kujjõ, opatas ka puuluitsidõ tegemist.

Kavan om ka kodosöögi konkurss, valitas vällä Taheva kandi kõgõ parõmb süük.

Õdagu, ku hämäräs nakkas minemä, pandas palama puukujomeistride tett tulõskulptuur.

Täpsembät kavva saa kaia taheva.ee.

UL

Jaga seod artiklit