Hiina piina

Ma kuuli raadiost, et ka katõkümne edimädsel saandil tegevä mõnõ as’a nii inemiisile ku riikele hiina piina. Näütüses siinpuul Atlandi ookeani tege brittele hiina piina Iiri piir. A tõsõlpuul Atlandit tege ameeriklaisilõ hiina piina Trampi piirimüür.

Nuusama hädä omma Eestimaal kah. Eesti ehitäs hindäle kah piirimüürü, mis om jo hää mito aastat meile hiina piina tennü. Raha kaos nigu mutimulku. Üts tark miis ütel’, et mi piiri pääl käü ülekargajidõ püüdmine jälgi perrä nigu vannol indiaanlaisil. A vahtsõmba tehnikaga piiri jaos kulus ülearvo pall’o rahha. Nii et tuud hiina piina saa viil kavvas.

Üts lugu tagasi
Järgmäne lugu
Jaga seod artiklit